آخر الأخبار

جاري التحميل ...

الانتخابات

قبل ما اقول رأيي فى الانتخابات بس انا حابه أوضح أنى أصلاً ماليش فى السياسة ، وأخرى فى السياسية انى اعرف مين هوا رئيس الجمهورية وأزاى بقى رئيس
وامتى وعمل ايه عشان يوصل للكرسى المبجل ، ودعونا لا ننكر فضل الكرسى الرئاسى اللى مجنن كل الفئات سواء مدنيين ولا جيش ولا شرطة ولا أخوان ولا
سلفى، يلا ما علينا ، نيجى بقى لمهرجان الانتخابات او العرس الديمقراطى زى ما بيقولوا

السؤال المهم واللى بياكل فى دماغك وانت بتقرا البلوج دى دلوقتى هوا ايه علاقة الرقص بالانتخابات ؟ هقولك والمصحف علمى علمك ولا اقولك تعالى نسأل حد
يعرف يمكن نفهم ايه العلاقة الموازية او العكسية والتى بدورها تخلى البنات والستات تطلع ترقص فى الانتخابات ، وحتى معرفش هل الرقص بيدى مصداقيه لنتيجة
الانتخابات ولا بيعمل ايه بالظبط ومع انه مالهوش اى لازمة فمن الطبيعى انى ماشوفهوش كمان ع التليفزيون والله مش ناقصة تخلف انا
وأوعى تقولى مظهرنا الحضارى والاعلام والكلام ده ...والله ازعل منك ...أحنا مظهرنا الحضارى والله زى الفل وثابت فى مكانه جنب أخواته من دول العالم
التالت ، متقدمش ولا خطوة .
وكمان المفروض اننا فى بلد ديمقراطى يعنى المفروض انى عندى بطاقة والطبيعى انى اعرف اقول رأيى مش يبقى اقول زى ما مقولتش؟ مش من الطبيعى كمان ان
اللى انتخبوا اخرهم 2 مليون مواطن ويبقى كأن الشعب كله نزل من المنطقى اصلا ان 2 مليون ماينفعش يعبروا عن رأى 10 مليون ،ولو نفع فانا رافضة
وعلى فكرة 3 أرباع الناس اللى نزلت نزلت عشان الغرامة والله مانزلتش عشان جمال عيون اللى هاتنتخبه ،
العجيب والغريب بقى ف الانتخابات اكيد مش هتلاقيه غير ف مصر ..اكيد ف اى بلد وقت الانتخابات هتشوف اكتر من مرشح لكن الاكيد ان ف مصر مافيش
غير واحد بس هوا اللى هايترشح ..والواخد ده لازم يكون واحد من اتنين ياما رئيس الجمهورية بذات نفسه او ابنه من مبدأ أن الرياسة ماتخرجش بره العيلة
الكريمة ، وانا زهقت ابنى يشيل مكانى عادى ، ماهو مافيش شعب هايزهق ولا يقول لا ، وده ليه بقى ؟؟؟؟ لان الشعب بغبائه بيقولك اللى نعرفه احسن م اللى
مانعرفهوش ...اى والله زى ما بقولك كدة .
هاتيجى تقولى ما هو مافيش ناس اترشحت للرئاسة هاقولك والله ربنا يفك سجنهم ...ماحدش يعرف هما فين دلوقتى اصلا ولا حتى ف انهى سجن
واخيرا احب اقول انى رافضة تطبيق الغرامة ...افرض انى عايزة اقاطع يااخى هاتدخل ف مزاجى كمان ؟؟ مش كفايه انى مرضتش اقولك ف وشك انى رافضاك
؟؟ لا والجميل ف الموضوع انك تنجح بنسبة 97%
فى الانتخابات ف دول العالم كلها اللى بيظهر ف الاعلام الرئيس المحتمل وشويه رتب كبيرة وشكرا على كدة ..اما ف مصر مايصحش يحصل كدة ابدا لازم الشعب كله وهوا بيحط بصمته ..ضيف على كدة الناس اللى بترقص بره اللجان
المفروض الناس اللى قاطعت دى تتربى ويتعملهم فيز ويترحلوا بره مصر ..اى والله ..المفروض يتعلموا الادب :) :) :)
اتمسوا بالخير :)



التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

زوار المدونة

احصاءات المدونة

جميع الحقوق محفوظة

دكتورة ....بما لا يخالف شرع الله

2016