آخر الأخبار

جاري التحميل ...

الكلبش

كلنا عندنا قيود مختلفة ،سواء قيود من العادات والتقاليد أو بسبب حاجات تانية كتير ،بنحس دايما انها طوبه جوانا واقفة ف طريقنا وعلي قلبنا، مانعانا نتحرك أو مخوفانا من الحركة ، بتبقي عادة الطوبة دي اتكونت بسبب اننا اتحطينا ف مواقف كتير ،كنا بنتضايق فيها ومنها، وكانت بأسباب كتير ،وماكناش بنعرف نتعامل مع مشاعرنا صح ..ف بيفضل يتكوم زي الزلط الصغير جوانا لحد ما تعمل طوبه.
الحل أولا أننا نتقبل اننا طبيعي نخاف نجرب حاجة جديدة أو نخاف نفشل ونخاف نترفض، طبيعي اننا نحس بخيبة الامل اما نجرب حاجة جديدة وماتنفعش!!
كل دي مشاعر طبيعية ومش دليل علي اننا مش جاهزين كفايه فمحتاجين نأجل القرار، ولا دليل اننا محتاجين نجيب حد ياخد القرار بدالنا، انما دليل علي اننا بني أدمين طبيعين وبنحس.
ثانيا : اننا نتقبل اللي جوانا ونسمح لنفسنا نحس بالمشاعر دي، ما هو محدش مات م الوحدة ولا حتي جاله كساح يعني ، بلاش نقش مشلولين ،حس بالخوف والقلق وخيبة الامل وبالذات اللي راكبة جمل ، عادي جدا ..بس بعدها خد أكشن وقوي ارادتك وانطلق 💪
المفروض كمان نشوف الحاجة اللي مضايقانا ومسببة لينا احباط ونتكلم عنها ..مابنحبش نتكلم نكتب ..مابنحبش نكتب نسمع اغاني ..نتمشي شويه واهو تغيير جو ..بدل ما الحاجة اللي مضايقانا دي ما تعمل لينا كولكيعة جوانا وتخلينا نمشي نحكم علي غيرنا ،ونبطل نحكم علي نفسنا كتير ونحطها ف قالب "انا فاشل"،"انا غبي"،"انا مابتعملش"،"انا متسرع"،"انا بطئ".
كدة بقي احنا بنحط نفسنا تحتها وبتكلبشنا لانها بتكلبش اعتقادنا عن نفسنا ،كأننا نصبنا نفسنا قضاه وبنصدر احكام علي نفسنا وعلي غيرنا طول الوقت.
مافيش مشكله اننا نبقي واعيين لعيونا وعيوب اللي حوالينا ، ماهو برضه مافيش حد كامل .
بس دة ماينفعش يمنعنا اننا نشوف الكويس فينا و ف اللي حوالينا ونتقبل بعض ونتعامل باحترام ،ولازم نعرف ان الناس مش كلها شبه بعضها ولا حتي لازم تبقي شبه بعض عشان تبقي حلوة .
كمان ياريت نتعرف علي ناس جديدة ، نوسع دايرة معارفنا ونتعرف علي ناس مختلفة ،عشان يبقي عندنا مرونة ف التعامل مع كل الشخصيات والافكار.
مهمة الجراءة اننا نجرب حاجات جديدة،ومنخافش من نظرة الناس ...ماهو لو فضلنا خايفيين عمرنا ما هانتحرك خطوة!!
والقاعدة الاساسية "ان محدش محتاج يثبت حاجة لحد ولا حتي يبرر حاجة"
                                   واتمسوا بالخير 

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

زوار المدونة

احصاءات المدونة

جميع الحقوق محفوظة

دكتورة ....بما لا يخالف شرع الله

2016