آخر الأخبار

جاري التحميل ...

البنات شايفين الولاد ازاي

-اول حاجة: كون نفسك لو انت متاكد 100% من احساسك ناحيتها " كون نفسك" هى القاعدة لكل حاجة واحد من اكتر المفاهيم الغلط المتاخدة عن البنات هى انهم بيحبوا الكلام الكبير المعقد بس الحقيقية بقى..اننا ما بنحبش حاجة قد الصدق. الكلام الكبير والكتير اللى بيفقد معناه بمجرد ما بيتقال و التسبيل على الفاضية و المليانة عمرهم ما كانوا الطريقة الصح بالنسبالنا. شوية ارتجال فى البداية بيكونوا اقصر طريق لقلب البنت. 
-لازم تكون مستمع جيد احيانا ممكن تلاقى الاجابة على سؤال زى "يومك كان ماشى ازاى؟" عبارة عن ساعة و نص من الشرح المتواصل المفصل حقيقة كونية: معظم الستات بيحبوا يتكلموا كل اللى عليك تعمله ساعتها انك تكون مستمع جيد و توريها انك مهتم باللى هى بتقوله بس النقطة هنا انك توريها انك مهتم من غير ما تمثل انك بتسمع عشان احنا بنعرف الفرق! وبنعرف امتي بتمثل انك بستمع ومهتم وامتي بتمثل لحد ما نخلص كلام ...واهم حاجة بقى هى انك مش محتاج تقول رأى فى اللى هى بتقوله انك تسمع بجد وكفاية اوي احنا هنبقي مبسوطين و نقطة تانية هنا..البنات بتقدر الصدق جدا يعنى لو مش حاسس انك عايز تسمع..قول  بطريقة حلوة مثلا ممكن تقولها "انا اسف بس كان يومى مليان اوي ومدربك النهاردة فى الشغل.. ممكن نتكلم فى الموضوع دا بعد شوية" جملة لطيفة زى دى ممكن تعمل معجزات وهانقدركو على فكرة.
-خليها تحس باهتمامك بيها مكالمة بسيطة و انت فى شغلك هتفرح بيها جدا  مش محتاج انك تضيع وقت شغلك ولا انك تترفد مكالمة من دقيقة  كافية جدا عشان تحسسها انك فاكرها حتى و انت مشغول ...لاننا عندنا قاعدة  وهى "ان اللي بيحب حد بيخلق دقيقة عشان يتطمن عليه"حاول تخلق الدقيقة دى وماترخمش علينا عشان احنا كمان مانرخمش 
-لو عايز تجيبلها هدية..اختار حاجة بسيطة هدية مبتكرة و بسيطة احسن بكتير من اى حاجة غالية و متكلفة ...حاول تعرف الوانها المفضله ،، دور ف الفيس بوك بتاعها وفاجئها بهدية حلوة وبسيطة وشيك طبعا من غير ما تدور على مخرج سهل "حبيبتى دى الفلوس اشترى بيها اللى انتى عايزاه" كأنك ضربتها ف قلبها بالسكينة
- كون ذكى فى اختيار الكلام...الستات بتقدر الصدق لكن قلة الذوق هى بداية النهاية بالنسبالنا قولها اللى انت حاسه بس بطريقة ذكية. مثلا بدل ما تقول:" انا مش قادر استحمل طريقتك دى" قلها:"فيها ايه لو نتكلم بطريقة اهدى شوية؟" او مثلا "ما تبقيش عصبية كدا..انا عندى مشكلة فى الشغل و اوعدك اننا هنحل الموضوع دا اول ما اقدر" بدل:" وانا مالي بتحكيلي ليه" خليها: "انا مش فى المود دلوقتى..بس ايه رايك لو نشوف فيلم مع بعض"؟ 
- حاول تاخد بالك من اهتمامها بنفسها وقول رأيك ..بيهمنا اوي انك تاخد بالك زى مثلا " انتى شيك " او " الله الطقم ده عليكي يجنن" او " اللون ده لايق عليكي اوى...هانحبكوا اكتر على فكرة 

 -اوعي تستقل بيها دايما قدر اراءها و كلامها مهما كانوا تافهين فى رايك.. خصوصا قدام الناس لانها هى كمان هتقدر كلامك حتى لو كان غبى فى نظرها.. و هتقدر اهتماماتك حتى لو كانت سطحية فى رأيها فالحب مش وحدة بين اتنين"ناقصين" الحب اتحاد اتنين "كاملين".فبالتالى ما تتوقعش انها تفكر..تتكلم او تتعامل زيك.. ببساطة لانه عمره ما هيحصل.
- بطل تختبرها! حقيقة كونية تانية:احنا بنعرف لما بتختبرونا فى طرق كتير اوى ذكية تخليك تعرف اذا كانت مهتمة ولا لأ لكن انك تحاول تخليها تغير بانك تتكلم عن البنت اللى كنت بتحبها زمان او عن جمال زميلتك فى الشغل..او عن اهتمام اختك بنفسها مش من الطرق دى بتاتا
- ما تنساش! لو فى حاجة واحدة مشتركة بين كل ستات...... الارض..فهى اننا بنفتكر! افتكر دايما المناسبات المهمة عندها..اعمل لستة بالايام المهمة.. حط ريمايندر على الموبايل..المهم انك تفتكر المناسبات المهمة عندها لان هى كمان هتهتم اوى بالمناسبات المهمة عندك..وبالذات اول مرة  اعترفتلها بحبك وخرجتو فين 
 خليك دايما موجود لما تحتاجكاسمع..اهتم..حسسها انه مهما الدنيا كانت معقدة انك هتقدر دايما تلاقى طريقة تخليها بسيطة خليها تضحك فى الاوقات الصعبة اسمعها لما تحتاج تتكلم مهما كانت قوية فهى هتحتاجك جنبها فى اوقات كتيرة زى مانت كمان هتحتاجها جنبك لما تكون ضعيف.: كون "Breaker-up” شجاع لو حسيت فى يوم انها النهاية..قول لها!!! الخيانة عمرها ما كانت حل مهما كانت الصراحة هتوجعها فى وقتها.. فهى هتخليها تفضل تحترمك طول عمرها.
*****                                                                  
طبعا بعد قراية حبة الخطوات دول مش غريبة لما نص البنات يكونوا داخلين فى علاقات غير صحية بالمرةوالنص التانى يكون   صرف نظر عن الموضوع طبعا ده لا يمنع ان فيه 😂😂 ناس نجحت فى اختياراتها..و ان كانوا قليلين
                                                           واتمسوا بالخير
           
*****

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

زوار المدونة

احصاءات المدونة

جميع الحقوق محفوظة

دكتورة ....بما لا يخالف شرع الله

2016