آخر الأخبار

جاري التحميل ...

هذا ما وجدنا عليه اباؤنا





كل الشعوب والدول ليها تراثها اللي بيعبّر عن شويه الأحداث والمناسبات التي حصلت  غالبا في التاريخ،  و الناس بتستخدم  الأمثال أو الحكم لما بيمرّوا بظرف أو حدث في حياتهم اليومية، فبيعبروا عنه بمثل أو حكمة، وبكدا تبقى محفوظة وبيتداولها الناس جيل بعد جيل مع إضافة الجديد من أمثال توصف أحداث ف الحاضر.
الحكم والامثال دي في منها اللي مفهوم ومنها اللي لما تسمعه يبقي نفسك تقول للي قالهولك حرام عليك احنا اتغيرنا من زمان ،وبرضه فيه منها اللي يخليك تضحك او تسرح معاه تفكر فيه .
=زي مثلا :جوزك علي ما تعوديه :مبدئيا كدة انا ممكن اعوده علي اكلي مثلا ..نظام البيت الجديد واحنا بنفرش ..اقدر اعوده ع الحاجات اللي مش هاتفرق معاه مش هياخد باله منها ..او مش هياثر علي طريقة حياته ..لكن معلش انا مش هقدر اعود راجل ع حاجة هوا مش موافق عليها ...مش غصب ع فكرة ..
=ضل راجل ولا ضل حيطة :ودي غالبا بتتقال لما يجوا يقنعوا بنت بعريس متقدملها وغالبا العريس ده هيبقي صالونات او عن طريق ترشيحات المعارف ..السؤال هنا بقي هوا انا اتعلمت واتمرمطت ف الدنيا عشان ضل راجل؟ طيب ليه ؟وعشان ايه ؟..عشان خاطر ربنا سيبولي حريه اني اختار ...ليه اخد ضل اصلا ..لما ممكن استني نصيبي ..مانا مش هرضيكوا واتعب انا ..ليه مااخودش راجل ملو هدومه مثلا ...اتقبله ع الاقل ...ماهو الضل ده لما يجي عليه الليل هايختفي ..مش كدة برضه؟
=يا مآمنه للرجال يامآمنه للميه ف الغربال :علي كدة بقي انتوا تقصدوا ان الرجاله مالهاش امان ..طب ليه بقي مصممين تجوزونا ؟..ليه مصممين ان البنت لازم تتجوز عشان تخلف؟..مالرجاله طلعوا مالهاش امان ..
=من شابه اباه فما ظلم :مش لازم ع فكرة اني ابقي شبه ابويا ف تصرفاته عشان يعرفوا اني بنته ...مش لازم اطلع دكتورة زي بابا ماهو دكتور ..مانا لو مطلعتش دكتورة اكيد بابا مش هايحرمني م الميراث ولا هيقطع عني المصروف ...مش لازم عشان بابا مهندس معماري ابقي انا كمان معماريه ..بالمناسبة انا دخلت ادبي من اولها ..ولما خلصت جامعة خلصت الماجستير ..محدش ف اخواتي كلهم عمل دبلومه اصلا بعد الجامعة ...كلهم ف البيت عندي معاهم بكالريوسات وانا كان معايا ليسانس ...مش لازم ابقي شبه بابا ف تصرفاته وردود افعاله ..اصلا الجيل اتغير .
=اكسر للبنت ضلع يطلعلها اتنين :يطلعلي منين ياحاجة منك ليها ..هوا انا كائن خرافي ؟ولا انا سبايدر ومان ...اكيد يعني مش فامباير عشان الضلع يتصلح وكمان يفقس واحد جديد ...ولا الكلام ده دليل انه ليه حق يمد ايده عليا اصلا ...ليه وبتاع ايه اصلا ...فمن هنا احب اوجه رساله لزوجي المستقبلي ...اوعي تفكر ولو بهزار انك هاتعرف تمد ايدك عليا ..عشان بجد مش بعيد اكسرهالك ..ف خليك لطيف وحبوب ..اتفقنا؟...عشان انا لو ماحبتكش اقدر اخلي شعب موزامبيق يكرهك ..اي والله .
                           واتمسوا بالخير


التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

زوار المدونة

احصاءات المدونة

جميع الحقوق محفوظة

دكتورة ....بما لا يخالف شرع الله

2016